اليوم : السبت الموافق 10 مارس 2013 ( 28 /4 / 1434 هـ )
شعوري : مثل شعوري بالضبط أول يوم دخلت فيه المدرسه في الصف الأول الإبتدائي وماكنت عارفه شنو هالمكان اللي أنا فيه وشلون أتصرف
أحداث اليوم :
اليوم أول ماوصلنا الصباح كذا عالساعه سبع رحنا للمبنى الخاص بالمحاضرات ننتظر الدكتور اللي رآح يلقي علينا نبذة تعريفيه عن هذا الكورس الجديد ( كورس المدسن )
حضر الدكتور عمرو درويش والدكتور سورندرا بالإضافه الى بعض الدكاتره
بدأوا يعرفونا عالكورس ووضحوا توزيع القروبات وكيف توزيع الدرجات وغيرها
خلصنا من المحاضرة التعريفية وكان عند قروبي راوند مع الدكتور عبد المجيد بلاط (cardiologist)
وطبعًا احنا إلى الآن مو عارفين وين الطريق وكيف نروح للمستشفى من خلال هالمبنى اللي احنا حاليًا موجودين فيه
كلمنا دكتوره من الدكاتره اللي تواجدوا وقالت تعالوا وراي وأنا رآح أوصلكم
ورحنا بالفعل وراها وطبعًا احنا مجموعة مو اشوي من البنات وحسيت ان شكلنا واحنا نمشي ورى الدكتورة مثل هالشكل
ههههههههه أو مدري كيف أوصفه المهم كان الشكل غلط 
وطبعًا الدكتوره نفس الشي ماكنت تدل حيل وضيّعت فينا اشوي وبعدها وصلنا للمستشفى
صعدنا معاها ووصلنا للدور اللي المفروض تكون دكاترتنا متواجده فيه وجات بتمشي
قلت لها لحظة دكتورة وين نلقى الدكتور عبد المجيد >> الدكتور اللي عند قروبي معاه راوند في هذا اليوم
قالت هنا موجود بالطابق
قلت بس احنا ماندل >> ميح
واضطرت الدكتوره المسكينه انها توصلنا للمكان اللي يجلس فيه بالغالب
وشفنا الدكتور وجلسنا معاه وشرح لنا طريقة أخذ الهيستوري للبيشنت
وشفنا حالتين كارديولوجي معاهم اورثوبنيا وكانت أول غرفه دخلنا فيها حيل المرضى يعورون القلب اللي مو عارف يتنفس الا وهو جالس ومو عارف حتى ينام عدل والثاني مركبين له انبوبة تنفس وحيل يكسر الخاطر وغيره :"(
وكان المريض الأول حيل تعبان وماكان حاس فـ ماقدر الدكتور ياخذ من هيستوري كامل للحالة
وبعدها رحنا لمريض ثاني وكان حيل متعااون ورحّب فينا حيل ولما أخذ منه الدكتور الهيستوري وشرح لنا اشوي عن حالته وجينا بنطلع قاله الدكتور عذرًا عالإزعاج قال المريض لا بالعكس هم بناتنا وهم اللي بيبقون ولازم يتعلمون ويستفيدون عشان يصيرون دكاتره واذا ماتعلموا علينا واحنا ما ساعدناهم من بيتعلمون عليه >> على ان المريض كبير في السن الا انه تفكيره جدًا رآقي
وبعدها خلص الدكتور وانا وصديقاتي رحنا ناخذ جولة عالطابق نتعرف عالمكان وماكان باقي غير نص ساعة على المحاضرة اللي عندنا في مبني المحاضرات اللي جينا منه
قلت حق صديقاتي يالله خل ننزل من الحين يادوب نلحق نوصل خصوصًا ان احنا ماندل الطريق
نزلنا ومشينا على ذاكرة البنات ومشينا.. ومشينا .. وضيعنا الطريق ومو جايين ندل المكان :"(
ووحده من صديقاتي تدق علي وتقول وينكم ترى المحاضرة تقدمت والدكتور بعد اشوي بيبدأ
وأنا أقول لها ضعنااا :"(
>> حسيت ان احنا في متاهة مو عارفين نطلع منها ><
بالنهاية بعد جهد جهيد وفتره ماتقارب الثلث ساعة وصلنا بشق الأنفس وكان الدكتور بدأ المحاضرة
حضرنا وخلص الدكتور عالسريع في نص ساعة لأن المحاضرة قصيرة وبعدها مشينا بعد يوم شاق مليء بالأحداث
وبس
دعواتي : يارب ماتتكرر رحلة الضياع مرة ثانية ونحفظ الطريق عدل : "(
ليست هناك تعليقات:
إرسال تعليق