اليوم : الأثنين 11/مارس / 2013
الأحداث :
اليوم كان عند قروبي راوند مع الدكتور نشاد والمفروض كل بنت تاخذ هيستوري لاي كيس عشان تعرضها على الدكتور لما يجي
وصلت المستشفى عالساعة ثمان وجيت بصعد للدور الرابع أو الخامس عشان آخذ كيس وشفت في الطريق بنات رايحين لغرفة العمليات اللي تحت سألتهم وين رايحين ؟ قالوا انهم رآح يحضرون الإندوسكوبي
قلت حتى أنا ودي أحضرها بس المفروض آخذ كيس عشان أعرضها عالدكتور
بعدها قلت خلي الكيس يوم ثاني لاحقة عليها وروحي شوفي شي جديد مامر عليك
ودخلت مع البنات وشفنا المريض كان كبير في السن مايقارب 64 سنة
وبدأ الدكتور يسوي له ( اندوسكوبي للقولون) لأن المريض كان يعاني من كونستبيشن ( لمدة تزيد عن الثلاث أيام بالإسبوع )
فـ شكوا ان عنده تيومر
وبالنهاية طلع صحيح عند المريض تيومر ومن نوع الماليقننت (adenocarcinoma)
وأخذوا منه بايوبسي عشان يفحصون العينه
خلص الدكتور كذا عالساعه 9 الا ربع أو تسع الا عشر وكانت هذي أول مره في حياتي أشوف الإندوسكوبي برة الكتب والمناهج الدراسية
بعدها صعدنا فوق الدور الخامس ننتظر الدكتور نشاد عشان يجي يناقش مع البنات اللي أخذوا الكيسات
بعدا ماخلص معانا مناقشه الكيسات أخذنا في جولة على مرضى عشان نشوف طريقة أخذ الهيستوري والجنرال اكزامينيشن للبيشنت
دخلنا على مريضة فيها (lymphadenopathy) وهي من الحالات اللي خذوا لها البنات هيستوري وقال الدكتور خل نروح لها ونعلمكم طريقة الاكزامينيشن للمف نود
وهذي البيشنت قالوا البدايه احتمال يسوون لها جراحة عشان يشيلون هذا الإنلارجمنت ( بس كانت اللمف نود صغيره صايره مثل الخرزه )
لأن الماس كانت صلبة موجوده تقريبا في السوبراكلافيكيولار لمف نود وبدأ يمتد الألم لها على طول الرقبه وانتفخت معاها أكثر من لمف نود في الرقبة ووصلت ورى الإذن ( بوست أوريكيولار )
هم شكوا انها ماليقنانت بس بعدها عطوها انتي بيوتيك وقامت تخف وصارت مرنه مو مثل قبل صلبة وصغرت في الحجم واختفت باقي العقد ماعدا التضخم في اللمف نود الأصليه اللي قلنا عنها سوبراكلافيكيولار بقت وهم النود اللي ورى الإذن
بعدها قالوا لها الدكاترة انها خلاص ماراح تحتاج الى عمليه لأنها استجابت للأنتي بيوتك معناها انها مو ماليقننت فـ ممكن تكون ناتجة عن انفكشن ( وتقريبا بس قالوا بياخذون فاين نيدل أسبايريشن للمف نود عشان يسوون له انفستيقيشن )
خلصنا من هالمريضة وسوت لها بنت اكزامينيشن للمف نود وطلعنا رحنا حق مريض سيكلر وكان يتألم حيل قال الدكتور بيورينا طريقة الجنرال اكزامينيشن لأن يكون أسهل من الفيميلز ( الفيميلز أغلبهم يرفضون ان دكتور ميل يسوي لهم جينرال اكزامينيشن )
وكان هالمريض على الرغم من إنه يتألم وحيل كسر خاطري الا انه كان متعاون ورضى ان الدكتور يشرح لنا عليه
كانه هالمريض سيكلر وكان عنده جوندس حفيف في السكليرا من فوق
والـ (conjunctiva) الموجوده تحت الآي ليد اللي بالأسفل كانت باهته
والـ (conjunctiva) الموجوده تحت الآي ليد اللي بالأسفل كانت باهته
( اللي فوق في الصورة >> فحص الكونجاكتيفا وكانت في مريض السيكلر بيل (Pale )
أما الجزء اللي تحت من الصورة فحص السكليرا عشان نشوف اذا عند المريض جوندس أو لا )
وكانت البالم ( راحة اليد ) باهتة وعنده ألم في شديد في ركبة الرجل اليمنى بالإضافة الى تسارع في نبضات القلب ( أكثر من 100 ضربة في الدقيقة )
خلص الدكتور من الإكزامينيشن لهالمريض ورحنا لمريض سيكلر ثاني بس هذا كان عمره صغير ( 17 سنة بس اللي يشوفه يعطيه عمر 12 أو 13 سنة عاد سألنا الدكتور ليش قال انه دايما مرضى الأنيميا يصير عندهم تأخر في النمو واللي يشوفهم يعطيهم أصغر من عمرهم )
وكان هذا الولد سيكلر + عنده سبيلينوميقلي
سوى له الدكتور الجنرال اكزامينيشن من بالبيشن وبركشن بس ناقص الأوسكلتيشن عشان يسمع صوت الأمعاء
وسألنا الدكتور كيف نعرف ان كان التضخم سببه السبلين أو الكيدني ؟
ذكر فروقات منها ان التضخم في السبلين يمتد إلى ناحية الأمبالايكل
أما التضخم في الكيدني يكون فيرتيكال ومايلف ناحية الأمبالايكل
وبس خلصنا الراوند عالساعة 11 ومشينا مع ان المفروض عندنا محاضره الساعه 12 بس الدكتور عمرو درويش راعى ان بكرة عندنا اختبار فورينسك وأجل المحاضرة ليوم السبت مراعاة لظروف الإختبار
دعواتي : الله يشفي كل مريض
ليست هناك تعليقات:
إرسال تعليق