CPR
السبت 30 مارس 2013
اليوم أول مارحنا المستشفى بعد اجازه الربيع ( اسبوع وآحد ) >> أنا اسميها عطسة مو إجازه
المهم كنا ننتظر الدكتور سورندرا عشان عندنا معاه راوند الساعه 9
والدكتور تاخر نص ساعة عشان عنده اختبار مع سنة سادسه
احنا كنا جالسين عالكراسي كالعادة في أحد زوايا المستشفى واسمع البنات يقولون ان في مريض في الغرفة الفلانية من الساعه 8 وهم جالسين يسوون له CPR ( وكان الوقت 9 وزيادة ) يعني خذوا فوق الساعة وهم يسوون له انعاش قلبي رئوي
وأنا قلت خل أقوم أطل أشوف شلون يسوونه على مريض حقيقي
دخلت الغرفه وكانوا مسكرين الستاره عالمريض ( كان كبير في السن ) وهم يسوون له أنا رحت وقفت في الزاويه وأطل من بعيد
كانت هذي أول مرة أشوف تطبيق CPR على بيشنت حقيقي وهو فعلًا محتاج الانعاش
وأنا واقفه وإحساسي خوف على صدمة الموقف حيل مؤثر وشفت مخطط القلب صار مستقيم بس فيه كيرف واحد خفيف يرتفع وابي أعرف شنو يدل عليه مو عارفة ..
وصديقتي واقفه جنبي تقولي شفيك شكلك خايفة أقولها لا مو خايفة >> laying 
وهم كانت أول مره أشوف شخص ميت >> لأن المريض متوفي اساسًا من قبل لا أجي وهم يحاولون ينعشونه
بعدها قال دكتور من الدكاتره المجتمعين للمريض ( مع السلامة ) وهو كأنه يودعه
وشالوا عنه الأجهزه وخلاص عرفنا ان مافيه أمل سووا كل اللي عليهم بس مكتوب له في هاليوم انه يغادر هالعالم
قلت يالله الله يرحمه افتك من هالدنيا وطلعت
بعدها جا لنا الدكتور سورندرا وخذنا الراوند وصب علينا كلمات تحطيميه لا داعي لذكرها
رحنا بعدها عالساعه 12 الريكرشن سنتر عشان عندنا محاضرة مع الدكتوره رشا
وخلصنا عالساعه وحده وربع ومشينا
دعواتي:
نسأل الله حُسنَ العاقبة
نسأل الله حُسنَ العاقبة
ليست هناك تعليقات:
إرسال تعليق